ഇന്ന് ഹിരോഷിമ ദിനം. ലോകത്താദ്യമായി അണുബോംബ് വര്ഷിച്ചതിന്റെ 71ാം വാര്ഷികമാണ് ഇന്ന്. 1945 ആഗസ്റ്റ് ആറിന് രാവിലെ 8:15നായിരുന്നു ഹിരോഷിമയില് അമേരിക്ക അണുബോംബ് വര്ഷിച്ചത്.
ജപ്പാന്റെ ചരിത്രത്തിലെ എക്കാലത്തേയും കറുത്ത അധ്യായമായ ഹിരോഷിമയിലെ അണുബോംബ് വര്ഷത്തില് 90000-160000 ഇടയില് ആള്നാശം ഉണ്ടായതായാണ് കണക്കാക്കുന്നത്. ഹിരോഷിമയിലെ ബോംബാക്രമണം മൂലമുണ്ടായ ആണവ വികിരണത്തിന്റെ ദോഷഫലങ്ങള് അനന്തര തലമുറകള്ക്കും അനുഭവിക്കേണ്ടി വന്നു.എനോള ഗേ എന്ന അമേരിക്കന് ബോംബര് വിമാനമാണ് ഹിരോഷിമയില് ‘ലിറ്റില് ബോയ്’ എന്ന ആണു ബോംബ് വര്ഷിച്ചത്. 70000 പേര് തല്ക്ഷണം കൊല്ലപ്പെട്ടു എന്നാണ് റിപ്പോര്ട്ട്. ബോംബ് വര്ഷത്തിന്റെ റേഡിയേഷന് പിന്നെയും മാസങ്ങളൊളം നില നിന്നു. റേഡിയേഷന് അതിപ്രസരം മൂലം ഒന്നര ലക്ഷത്തോളം ആളുകള് മരിച്ചതായി വിലയിരുത്തപ്പെടുന്നു. അതിലുമധികം ആളുകള് അംഗവൈകല്യം സംഭവിച്ചവരുമായി.
